Duha sa 20 ka mga naka-close contact ni Confirmed case no. 39 ang nagpositibo sa COVID-19 matapos sila ginlakip sa contact tracing efforts sang syudad.
Ang duha amo sanday Patient no. 18 kag 19 sa banwa sang Binalbagan.
Samtang, walo sa 14 taga-syudad sang Bago nga mga empleyado nga may close contact kay Confirmed case no. 39 ang nagbatyag sang nagkalain lain nga sintomas sang virus halin sa una nga semana sa bulan sang Hulyo.
Agosto 4, ang close contact nga taga- Pulupandan ang nagpositibo man sa virus kag ini amo si Patient no. 10.
Agosto 5, isa ka transient resident sa Barangay Lag asan nga may close contact man kay Confirmed case no. 39 bangud isa lamang sila ka opisina ang nagpositibo man sa virus.
Nadiskubre sang contact tracing team nga ang nasambit nga persona kag ginakabig sa karon nga confirmed case no. 47 ang may hilanat kag may intermittent body pains antes pa sang Hulyo 16 kag sang Hulyo 22, wala na siya sang sense of taste and smell. Si confirmed case no. 47 ang may common- law partner kag iya ginsugid nga antes siya nag-home quarantine sang Agosto 2, nakakadto pa ini sa tindahan kag namatyan.