DUHA PILASON SA PAGPANIRO KAG PAGBUNO NGA INSIDENTE SA BRGY TACULING

Share on facebook
Share on google
Share on pinterest
Share on twitter
Share on print
(BCPO Photo)

Padayon ginabulong sa hospital ang mga biktima sang pagtiro kag pagbuno kagab-i sa Purok BM Barangay Taculing syudad sang Bacolod.

Ang biktima sang pagtiro ginkilala kay Joey Carlos Dela Cruz Sr., 47 anyos samtang ang ginbuno ginkilala naman kay Mark Claveria, 29 anyos lunsay pumuloyo sang Purok BM Barangay Taculing syudad sang Bacolod.

Si Dela Cruz ang may igo sang tiro sa tiyan kag ginabulong sa Bacolod Adventist Medical Center samtang si Claveria ang may igo sang buno sa iya tiyan kag ginabulong sa Corazon Locsin Montelibano Memorial Regional Hospital.

Sa pagpangusia ni Police Major Leo Estopa, hepe sang Police Station 6 si Dela cruz  gintiro ni Claveria.

Samtang si Claveria ginbuno naman ni Mark Torreno nga nagpalagyo matapos sang insidente.

Nagsugod ang away sang pamilya matapos una ginkastigo ni Claveria ang bata ni Dela Cruz nga si Aljoe.

Tungod sini, nagpanugid si Aljoe sa iya amay kag didto na natabo ang rambolanay sa tunga sang pamilya ni Claveria kag Dela cruz.

Narekober ang isa ka basiho kag bala sang 9mm pistol nga gintiro kay Dela cruz dala ang trese pulgadas nga kalabaon sang kutselyo nga ginbuno kay Claveria.  | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.