DUHA PATAY SA PAGBUNGGO SANG MOTORSIKLO SA GUTTER

Share on facebook
Share on google
Share on pinterest
Share on twitter
Share on print

Patay ang mag-amigo nga naga-angkasanay sa motorsiklo matapos ma-aksidente ini kaina sang kaagahon sa Buri Road atubang sang Camelia Homes Brgy. Mandalagan syudad sang Bacolod.

Ang mga nagkalamatay ginkilala nga sanday Mark Joshua Dalumpines, 23 anyos, soltero kag pumuloyo sang Puerto Porferia Barangay Mandalagan syudad sang Bacolod.

Si Dalumpines ang driver sang Yamaha Scooter sa diin ang angkas nga si Adrian Bacan, 24 anyos sang Greensville 1 Barangay Estefania ang napatay man sa amo nga aksidente.

Suno kay Police Staff Sgt. Richard Dema-ala traffic investigator sang Police Station 3 halin sa birthday party ang mag-amigo kag papauli na sang matabo ang aksidente.

Suno kay Demaala may kadasigon ang dalagan sang ila motor nga ginasakyan sang aksidente ini nga nakabunggo sa gutter.

Bangod sang impact nagbulag sa motor si Dalumpines kag Bacan sa diin nakalampos ang ila ulo sa nagatumpok nga tamburong sa kilid sang dalan nga nagresulta sang ila kamatayon. | Aksyon Eric Magbanua

13 KA PAWNSHOPS KAG LENDING INSTITUTION NAGBAYOLAR SANG CCTV ORDINANCE SANG BACOLOD

Natukiban sang Bacolod City Police Office nga may 12 ka mga pawnshop kag isa ka lending institution ang nagabayolar sang ordinansa nga pag install sang CCTV.

Si BCPO Director Col. Manuel Placido ang nagsumiter sang listahan sang mga nagabayolar nga establisamento kay Permits and Licensing Division Head Stella Rose Rayos nag ligad nga Pebrero 16, 2021.

Nasaad sa sulat ni Placido nga nag patigayon sila sang Security Survey sa nagkalain-lain nga pawnshop kag lending institution kag pila sa ila ang wala naka install sang CCTV.

Suno kay Placido, ang paginstall sang CCTV ang kabahin sang anti-criminality campaign base man sa ordinansa sang syudad nga naga require sa tanan nga pawnshops, lending institutions kag iban pa nga establisamento nga magbutang sang CCTV.

Dugang pa ni Placido, base sa record sang BCPO, pila ka mga pawnshop kag lending institution ang target sang mga kriminal partikular na ang kawatan bangud ang na install nga CCTV ang depektibo ukon wala guid sang CCTV.

Para kay Placido, ang CCTV ang makabulig para malikawan nga magluntad ang krimen kag mabuligan ang mga imbestigador nga hapos masolbar ang mga crime incident. | Aksyon Dale Salazar

LALAKI NGA NAKUHAAN SANG ARMAS LUTHANG SA ILIMNAN, GINDAKOP

Ginpasaka na karon nga adlaw sa San Carlos City Prosecutors office ang kaso  paghupot sang ilegal nga armas batok kay  Leonilo Yorpo 39 anyos, residente asng Brgy. Bug-ang, banwa sang Toboso matapos nakuhaan  sang armas kagab-i sa isa ka ilimnan sa barangay 2, Syudad sang San Carlos.

Suno kay PLtCol. Arthur Baybayan, paagi sa Oplan Bakal Sita, nakita  sang mga kapulisan ang armas ni Yorpo nga yara sa sling bag.

Nakuha sa iya ang isa ka Caliber 45 pistol loaded sang 4 ka bala nga yara sa magazine. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.