Patay ang duha ka mga persona nga sakay sa motorsiklo matapos nakabunggo sa isa ka pribado nga salakyan sa kurbada nga dalan sa Purok 3, Brgy. Caliling, banwa sang Cauayan takna las 6 sang gab-i, Enero 5.
Gin kilala ang napatay nga sanday Romar Olpenda, 38 anyos, driver sang motorsiklo kag angkas sini nga si Remenie Olpenda, 25 anyos, tanan residente sang Brgy. Guiljungan, Cauyan.
Base sa imbestigasyon sang Cauayan PNP, ang motorsiklo ang halin Sur padulong Norte nga direksyon sang ini ang nag agaw sa pihak nga linya kag nakabunggo sa naga sugata nga Nissan nga gikan Norte padulong Sur nga direksyon.
Ang Nissan ang gina maneho sang suspek nga si Michael John Bayot, 33 anyos, residente sang Purok Nipa, Brgy. Mambaroto, syudad sang Sipalay.
Gin dala ang mga biktima sa Cauyan District Hospital apang gin deklarar nga dead on arrival sang attending physician. Priso ang suspek sa custodial facility sang Cauyan PNP.