DUHA PATAY, NAPULO KA IBAN PA PILASON SA AKSIDENTE SA SIUDAD ANG BAGO

Share on facebook
Share on google
Share on pinterest
Share on twitter
Share on print

BAGO CITY – Patay ang duha ka mga tawo samtang napulo ka iban pa ang pilason sa nagluntad nga aksidente las 5:10 ang takna kaina sang aga sa bahin sang Purok Papaya, Calumanggan, siudad sang Bago.

Isa ka Foton Transvan kag Mitsubishi truck nga may karga sang scrap ang imbolbado sa aksidente.

Suno kay SPO4 Wilson Aguilar, traffic investigator sang Bago City Police Station, ang duha ka mga nagkalamatay ang lunsay wala pa makilal-an kag ginakabig nga “Mr. X” samtang gindangat naman sa pribado nga hospital diri sa Bacolod ang mga pilason.

Base sa inisyal nga pag-pangusisa ni Aguilar, nagatakod sang panguna nga goma ang helper sang truck sang aksidente nga nabungguan sang Foton Van nga ginamaneho ni Benjie Gamarza ang nalikod nga bahin sang truck sa diin nadalasa ang helper nga amu ang gintunaan sang iya kamatayon.

Sa amo nga insidente, ‘dead on the spot’ ang truck helper samtang ‘dead on arrival’ naman sa Bago City Hospital ang ika-duha nga biktima.

Dugang pa ni Aguilar na-flat ang panguna nga goma sang truck sang aksidente nga nabungguan sang Van nga nahibaloan naghalin sa siudad sang Sipalay.

Bangud sa kabaskog sang pagbunggo, naguba sang natuo nga kilid sang Van kag nagderetso sa kampo.

Nakapalagyo ang driver sang truck samtang ang driver sang van ang napreso kag wala na maghatag pa sang pahayag angot sa amo nga aksidente.

MORE STORIES:

ANU ANG IMO MA KOMENTO?