DUHA PATAY, ISA PILASON SA NAGLUNTAD NGA BINUN-ANAY SA BANWA SANG CALATRAVA

Share on facebook
Share on google
Share on pinterest
Share on twitter
Share on print

Duha patay kag isa pilason sa nagluntad nga pagpangbuno sa Sitio Proper, Barangay Macasilao, banwa sang Calatrava biyernes sang kaagahon.

Ang mga nagkalamatay ginkilala nga sanday Mayo Lumanog, 30 anyos kag Sergio Cabriana, 31 anyos samtang ang pilason amo naman si John Baculi, 54 anyos nga isa ka Barangay Tanod tanan nagapuyo sa amo nga Barangay.

Ginkilala naman kay Antonio Dumalag, jr, 31 anyos nagapuyo sa amo man nga lugar.

Suno kay PMaj Robert Indiape, hepe sang Calatrava PNP, natabo ang insidente sa isa ka okasyon sang nagpanghagyat inaway ang suspetsado.

Ginsumbag siya una ni Lumanog kag natumba nga gilayon ginsakyan ni Cabriana agud magsumbag man, apang likom sa ila ihibalo may kutsilyo si Dumalag kag ginbuno si Cabriana.

Ginlagas pagid sini si Lumanog kag ginbuno. Nabun-an man ang tanod nga si Bacoli nga nagtambag gid lang.

Ginhingagaw dala sa hospital ang tatlo ka mga biktima, apang napatay sanday Lumanog samtang ginadapatan sang bulong kag patay sang pagdangat sa hospital si Cabriana.

Dugang ni Indiape nga wala sang madalum nga motibo ang krimen kundi mga naka-inom gid lamang sang makahulobog nga ilimnon.

Gilayon nga nagpalagyo ang suspetsado matapos nahimo  ang krimen.

MORE STORIES:

LIKE US ON FB

error: Ooops... You are not authorized to copy this content.