DUHA PATAY, DUHA PILASON SA AKSIDENTE SA SAGAY CITY

Share on facebook
Share on pinterest
Share on twitter
Share on print
(Sagay PNP Photo)

Madasig ang padalagan, ini ang inisyal nga imbestigasyon sang Sagay PNP sa nagluntad nga pagbungo-anay sang duha ka motorsiklo nga nagresulta sa pagkapatay sang duha kag pilason man ang duha pa nga mga sakay sini sa Purok San Jose, Barangay Poblacion 2, Syudad sang Sagay.

Suno kay PMaj Albert Sy, hepe sang Sagay PNP, magluwas nga madasig ang padalagan, posible man nga naka-inom ang mga ini sang makahulobog nga ilimnon basi sa naguwa nga pagpangusisa.

Dugang ni Sy, medyo madulom man ang lugar nga ginluntaran sang aksidente, apisar nga may poste sang suga.

Nahibal-an sa sini nga aksidente, patay sanday Adan Pesanon, pumoloyo sang Barangay Bunga, banwa sang Don Salvador Benedicto kag Jerson Delagao angkas sa isa ka motorsiklo kag nagapuyo naman sa Barangay Poblacion 2, Syudad sang Sagay.

Padayon naman nga ginabulong sanday Rejohn Menguez ang driver kag ang isa pa nga angkas sini nga si Noel Maranon tanan nagapuyo man sa Barangay Poblacion 2, sa amo man nga Syudad. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

SENIOR CITIZEN, PATAY SANG GINBUNO KAG GINLAMPUSAN SANG BATO SA PONTEVEDRA

Patay ang isa ka senior citizen nga lalaki matapos ginbuno kag ginlampusan sang bato sa ulo sang hinablos sini nga may deperensya sa paminsaron sa Prk. Bougainvillea, Brgy. Antipolo, Pontevedra, Negros Occidental, hapon sang Marso 18, 2024.

Ginkilala ang biktima kay Nilo Paguntalan ,85 anyos samtang, ginkilala naman ang suspek nga si Jefrey Urpiana , 36-anyos kag lunsay residente sang nasambit nga lugar.
Suno kay Police Lieutenant Darryl Kuhutan, Deputy chief of police sang Pontevedra Municipal Police Station, ginsunog ni Jefrey ang balay sang iya nga magulang rason nga ginsaway ini ni Nilo.

Apang hinali nalang nga ginbuno ni Jefrey ang ang iya tiyo sa liog kag mata gamit ang steel nga kalaptan sang payong kag ginlamposan sang bato sa ulo tubtob nga napatay.

Base sa pahayag sang pamilya sa kapulisan, wala nakainom ang suspetsado sang maintenance sini nga bulong.

Dugang pa, nag-file na ang pamilya sang suspek kag biktima sang affidavit of non-interest sa pagpasaka sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

CFAG TACULING NAGKAMPEON SA 2ND MAYOR ALBEE FIRE OLYMPICS

Nagkampeon ang Community Fire Auxillary Group ukon CFAG Taculing sa 2nd Mayor Albee Fire Olympics 2024 sa Bacolod Old Airport sang Lunes, Marso 18.

Ini ang isa sa mga aktibidad sa nagapadayon nga Fire Prevention Month sang BFP Bacolod.

Ginpahayag ni Fire Officer 1 Paul Servano, public information officer sang BFP Bacolod, nangibabaw sa kompetisyon ang CFAG Taculing, 2nd place naman ang CFAG Mansilingan, kag 3rd place ang nagkadto sa CFAG Tangub.

Nagpasakop man sa kompetisyon ang CFAG Pahanocoy, Singcang-Airport, kag Granada.

Suno kay Servano, ginahanas sang BFP ang mga CFAG nga kabahin sang Oplan Ligtas na Pamayanan nga programa bangud sila ang nagaserbe nga first responder sa tion sang emerhensya.

Nagapabilin sa walo ang CFAG sa bug-os nga Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.