DUHA NADAKPAN SA BUY-BUST OPERATION SA PENSION HOUSE SA BACOLOD

Share on facebook
Share on google
Share on pinterest
Share on twitter
Share on print

Duha ka Street Level Target sang Police Station 6 ang nadakpan sa buybust operation sa diin ila ginagamit ang pension house sa pagbaligya sang druga, Biernes sang gab-i.

Ini ang nadiskobrehan ni Police Major Ramil Sarona hepe sang Police Station 6 kasunod sa pagdakop kay Jasper Aldaya kag Menchie Ann Venida lunsay pumuloyo sang Barangay 32 kag 33 syudad sang Bacolod.

Narekober kay aldaya kag venida ang otso mil pesos nga bili sang shabu.

Suno kay Sarona, gingamit ni Venida kag Aldaya ang duha ka pension house malapit sa ila barangay sa pagpati nga indi mamonitor sang kapulisan.

Suno kay Sarona nagapakilala sila nga costumer sang pension house kag likom sa ihibalo sang tag-iya ginagamit nila ini nga balaligyaan kag suluyopan sang druga.

Nanawagan si Sarona sa mga tag-iya sang pension house kag motel sa ila masakupan nga gilayon magreport sa ila talatapan kon may makita nga ginahimo kamala-malahan.

Dugang pa ni Sarona sarang makasohan ang tag-iya sang pension house kag motel kon mapamatod-an nga may ihibalo sila sa nagakatabo nga transaction sa druga. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.