DUHA KA TELCO CREW NGA ‘APOR’ NGA NAG KADTO SA BACOLOD NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Gin pahayag ni Vice Mayor El Cid Familiaran nga may kapin duha ka Authorized Person Outside Residence ukon APORs gikan sa Manila nga nag kadto sa Bacolod ang nag positibo sa Covid-19.

Sa interview sang Aksyon Firing Line, gin pahayag ni Familiaran, chair sang Bacolod IATF, may 26 ka tech crew sang isa ka telecommunication company ang nag abot sa probinsya, 22 sa ila ang nag renta sa syudad sang Silay kag gin paidalum sa quarantine, samtang ang apat ang nag renta sa isa ka subdivision sa Brgy. Vista Alegre, syudad sang Bacolod.

Suno sa Bise-Alkalde, ang probinsya amo ang nag kuha sang swab specimen sang mga APOR kag duha sa ila nga yari sa Bacolod ang nag positibo sa virus.

Sa impormasyon ni Familiaran, may APOR nga Covid-19 positive nga nag lagaw sa Mall.

Padayun sa karon ang contact tracing sang otoridad.

Para kay Familiaran indi insakto ang protocol sang gobyerno nasyunal angut sa APOR.

Suno sa National IATF ang APOR ang dapat may ‘unhampered travel’.

Sa nahibaluan, base sa guidelines sang syudad, ang APOR nga lima ka adlaw nga maga tinir sa syudad ang ipaidalum sa swab kag pwede na maka trabaho, samtang ang APOR nga maga tinir sa Bacolod sang lima ka adlaw pasaka ang i-swab test kag i-quarantine.

Bangud sini, suno kay Familiaran, si Mayor Evelio Leonardia ang liwat nga maga pagwa sang Executive Order angut sa pag regulate sang APOR.

Suno kay Familiran nga indi na manami ang sitwasyon sa Bacolod kag naga panawagan ini sa tanan nga mangin responsable kag mangamuyo. | Aksyon Dale Salazar

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

LIMA KA PERSONNEL SANG NBI-BACOLOD, NAGPOSITIBO SA COVID-19

Temporaryo nga ginpasira ang talatapan sang National Bureau of Investigation (NBI) Bacolod, matapos nagpositibo sa Covid-19 ang lima ka mga personnel sini.

Sa interview sang Aksyon Radyo Bacolod ginpahayag ni NBI Bacolod Head Atty. Renoir Baldovino, 25 ka mga personnel ang ginpaidalom sa RT-PCR swab tests nagligad nga Biyernes kag Sabado , kag lima sa mga ini nga lunsay mga babaye ang nagpositibo sa Covid-19.

Bangud sini suno kay Baldovino, ginmando sang Local Inter-Agency Task Force (LIATF) Bacolod ang pagpasira sang NBI office, agud mapaidalom sa disinfection.

Dugang pa ni Baldovino, napaidalom na sa isolation ang lima ka mga nagpositibo sa quarantine facility sang syudad sa Brgy. Villamonte.

Ginpatigayon naman ang contact tracing sa mga naka close contacts sang Covid-19 positive.

Nag umpisa ang pagpasira subong nga Lunes Enero 18 tubtub Enero 22, 2021. Magabalik ang operasyon sang NBI Bacolod sa Enero 25. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.