DUHA KA SP BOARD MEMBERS NAG TAASAY TINGOG SA SESSION

Share on facebook
Share on google
Share on pinterest
Share on twitter
Share on print

Nagtaasay sang tingog sanday Provincial Board Members Sixto Guanzon kag Manuel Frederick Ko, sa regular nga sesyon sang Sanguniang Panlalawigan kaina sang hapon, Agusto 20.

Ini matapos hambalan ni Guanzon si Ko nga wala nagtambong sa iya ginpatawag nga committee meeting kaina sang aga, Agusto 20.

Una diri, si Guanzon ang nagapatigayon sang iya pamulong-pulong kabahin sa privilege hour sang sesyon.

Si Guanzon ang nagpresentar sa resulta sang iya meeting angot sa mga kagamitan sang gobyerno probinsiyal, kag plano nga pagpatawag sa Director sang Department of Interior and Local Government sa probinsiya agud hibaluon ang nagakadapat nga mga tinaga nga gamiton sa pagtalakay sang mga ordinansa kag resolusyon.

Nagsabat naman si Ko sang siya ang hambalan ni Guanzon nga wala nagatambong sa mga meeting, gani napilitan si Vice Governor Jeffrey Ferrer nga suspendihon ang sesyon agud sila ang personal nga estoryahon.

Sa pagbalik sang sesyon, ginpanugyan ni Ferrer sa mga board members nga likawan ang pagtaas sang tingog, sa tion sang diskusyon.

Sadtong Agusto 14 nga sesyon, nangin mainit man ang sabtanay nanday Guanzon kag Board Member Valentino Miguel Alonso. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.