DUHA KA SEPARADO NGA ENKWENTRO SA TUNGA SANG MILITAR KAG GIN ALEGAR NPA NAG LUNTAD SA ISLA SANG NEGROS

Share on facebook
Share on pinterest
Share on twitter
Share on print

Duha ka separado nga enkwentro ang nag luntad sa tunga sang tropa sang 62nd Infantry Batallion batuk sa New People’s Army sa isla sang Negros subong nga adlaw, Septembre 17.

Suno kay Major Cenon Pancito III, spokesperson sang 3rd Infantry Division (3ID), ang una nga enkwentro ang nag luntad takna las 11:45 sang aga sa Sitio Anatuling, Brgy. Budlasan, Canlaon City, Negros Oriental.

Naglawig sang lima ka minutos ang enkwentro antes nga nag palagyo ang pito ka mga gina patihan myembro sang Communist NPA terrorist.

Nakuha sang militar ang pila ka war materials lakip na ang isa ka Cal. 45 mm Pistol, isa ka Cal. .22 mm revolver, magazine, mga bala, lima ka mga backpack nga may mga dokumento kag medical paraphernalia.

Suno kay Pancito, takna las 3:20 sang hapon sang may nag luntad man nga enkwentro sa Sitio Amian Brgy. Tan-awan, syudad sang Kabankalan sa tunga sang 302nd brigade personnel kag gina patihan Communist NPA terrorist.

Suno kay Pacito, iya pa gina hulat ang report angut sa mga na rekober sa ikaduha nga enkwentro.

Wala sang may nasamaran sa bahin sang militar.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PILASON SANG GINBUNO SANG DUHA KA MANGINGISDA

Pilason ang 34 anyos nga lalaki matapos ginbuno sang duha ka mga mangingisda nga kaupod sini sa ilimnan sa Sitio Bayog-bayog, Purok 4, Barangay Bulata, banwa sang Cauayan.

Ginkilala ang biktima sa kay Brando Gonzaga, 34 anyos kag ang mga suspetsado amo sanday Arturo Cabalida ,24 anyos kag Warren Amante, 37 anyos, pareho nga residente sang nasambit nga lugar.

Suno kay Police Lieutenant Allan Gary Resuma, chief of police sang Cauayan PNP, sanday Gonzaga, Cabalida kag Amante ang upod nga nag-inom kag may wala pag intiendihanay tubtob nagluntad ang komosyon sang hinali nalang nagkuha sang espading kag binangon sanday Cabalida kag Amante kag ginlabo si Gonzaga.

Palayag ni Resuma, gindala si Gonzaga sa ospital samtang at large sa karon ang duha ka suspek.

What’s your Reaction?
+1
0
+1
0
+1
0
+1
0
+1
0
+1
0
+1
0

CONG. YULO, DISMAYADO NGA WALA NA APRUBAHAN ANG CLOUD SEEDING OPERATION SA NEG OCC

Dismayado si 5th District Congressman Dino Yulo sa ginpahayag sang Department of Agriculture nga wala nila gina-rekomendar ang pagpatigayon sang cloud seeding operation sa Negros Occidental.

Sa interview sa Aksyon Hotline, ginpahayag ni Yulo nga personal siya nga nagalibot sa iya distrito nga nasakupan kag iya nakit-an ang kabudlayan sang mga mangunguma.

Suno kay Yulo, wala siya sang may nakit-an nga rason para indi magpatigayon sang cloud seeding sa probinsya.

Ginbulgar ni Yulo, Noviembre 2023 pa lang sang nanawagan na siya sang cloud seeding operation sa probinsya kasunod sang pagpaguwa sang PAGASA sang ila nga weather forecast.

Samtang, apisar wala nagrekomendar sang cloud seeding operations ang DA, ginpahayag ni Yulo nga pwede na man makapatigayon sang nasambit nga operasyon ang Sugar Regulatory Administration (SRA) kaupod ang Philippine Air Force.

Dugang pa ni Yulo, sa iya nga paglibot-libot sa probinsya, iya nakit-an nga madamo na nga katubohan ang nagkalalaya na bangud sa tuman nga kainit sang panahon nga dala sang El Niño.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.