DUHA KA PUSHER SG ILEGAL NGA DROGA KAG DUHA KA PERSONA NGA NA AKTUHAN NAGABAKAL, ARESTADO SG KAPULISAN

Share on facebook
Share on google
Share on pinterest
Share on twitter
Share on print

Dakop ang duha ka gin alegar drug pusher sa buy bust operation sa gintingob nga pwersa sang Police station 2 kag City Drug Enforcement Unit sang Bacolod PNP sa Prk. Lampirong, Brgy. 2, syudad sang Bacolod.

Ang mga suspetsado ginkilala nga sanday
Elmann Mundo, 39 anyos nagapuyo sa East Homes 3, Brgy. kag April Lloyd Lobaton, 43 anyos nagapuyo sa Country Homes 3, Brgy. Estefania sa amo nga syudad.

Suno kay P/Maj. Sherlock Gabana, ang subject sang ila operation amo si Mundo kag ginakabig bilang High Value Individual.

Nakuha sa mga suspetsado ang walo ka plastic sachets sang ginasuseptsuhan shabu nga may market value 434 mil ka pesos, puti nga innova nga salakyan nga ginapatehan ginausar sang mga suspek sa transaksyon sang ilegal nga droga, kwarta kag drug parahernalia.

Dugang pa ni Gabana, samtang ginapatigayon ang operation, naaktuhan sang kapulisan ang isa pa ka salakyan nga ang nagasakay, nagbakal sang ginasuspetsuhan shabu sa ila nanday Mundo kag Lobaton.

May lagsanay pa nga natabo apang nadakpan ang duha nga ginkilala naman sa ila nanday Antonio Enrique Locsin, 22 anyos nagapuyo sa Brgy Zone 7, syudad sang Talisay kag Paolo Togle, nagapuyo sa Brgy. Villamonte, syudad sang Bacolod.

Suno kay P/Lt. Paul Vincent Pendon, head sang CDEU, ang duha ginakabig nga mga newly identified drug personality.

Nakumpiskar sa mga suspetsado ang (5) ka plastic sachets sang ginasuspetsuhan shabu nga may 15 gramos ang kabug-aton kag may market value nga 212 mil ka pesos, isa ka .38 caliber revolver nga may duha pa ka mga bala, kag Isuzu crosswind nga amo ang gin-usar sa pagpalagyo sang mga suspetsado.

Sanday Locsin kag Togle ang nagapangatubang sang kaso nga paghupot sang illegal nga droga kag armas.

MORE STORIES:

LIKE US ON FB

error: Ooops... You are not authorized to copy this content.