MENU

DUHA KA PRESO NAKAPALAGYO SA NODJ; 10K NGA PADYA, GIN TANYAG

  • at 7:40 pm
Share on facebook
Share on pinterest
Share on twitter
Share on print

Padayon ang pag-verify sang otoridad sa mga impormasyon nga ila mabaton angut sa posible ginapanagu-an sang duha ka preso nga nakapalagyo sadtong Agosto 31.

Suno kay Negros Occidental District Jail Warden Chief Inspector Norberto Miciano, nakapakig-angot na sila sa pamilya sanday Jimmy Sablon nga may kaso nga frustrated murder kag Ramonito Ventura nga may kaso Robbery kag illegal nga paghupot sang armas luthang.

Dugang pa ni Miciano, padayon man ang ila imbestigasyon kon paano nakapalagyo ang duha bangud gin-alegar, isa lang ka sansalon sang kada selda ang gin-alegar gin lagari sang mga ini.

Palayag ni Miciano, sa pihak nga nagkalain lain ang ginahamtangan nila nga selda, parehos nga oras sila nakagwa sa compound sang BJMP kag nag taklas sa perimeter fence gamit ang gin sugpon-sugpon nga mga tela.

Madumduman, nagtanyag sang 10,000 pesos nga padya ang NODJ sa kon sin-o man ang makatudlo sa mga nakapalagyo. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

CLO NAGPAANDAM NGA PWERSA NGA PAHALINON ANG MGA NAGABALIGYA SA GINKUDALAN NGA PROPEDAD SA BARANGAY 12

April 18, 2024

Pwersa nga pahalinon sang City Legal Office Enforcement Team ang mga nabilin pa nga nagabaligya sa vendors’ plaza kag mga katupad nga lugar nga sakop sa ginkudalan sang SM Prime para sa redevelopment project sang Manokan Country.

Ini matapos nga may pila pa ka mga nagabaligya sa lugar kaangay sang karenderya kag computer shop sa lugar.

Ginpahayag ni City Legal Officer Atty. Romeo Carlos Ting Jr., may demand letter na sadto nga ginpapanaug batuk sa mga nagapanag iya sang negosyo sa lugar pero wala sa gihapon naghalin tubtob karon.

Nagpaandam si Ting nga sirad-an ang lugar kag indi na pagbutangan sang alagyan ang ila customer sa maabot nga Lunes.

Ginatugyan ni Ting kay Mayor Albee Benitez ang pag desisyon kon maghatag sang ayuda sa mga ma apektuhan nga mga negosyo.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.