Nasapwan nga pareho na nga patay ang duha ka lalaki sa kilid dalan sang Purok Mainuswagon, Barangay Atipuluan, Syudad sang Bago mga las 11 sang huwebes sang gab-i.
Suno kay PMaj John Joel Batusbatusan, hepe sang Bago PNP, nalabyan ni William Gray ang mga bangkay samtang nga nagapa-uli na ini sa ila puloy-an.
Sa imbestigasyon sang otoridad, may pilas sa pagbuno sa nagakalain-lain nga bahin sang lawas sang mga biktima kag gingapos nga baklid ang mga kamot sini gamit ang scotch tape kag higot.
May narekober nga bala sang M16 armalite riffle kag cartoon.
Wala pa makilala ang mga biktima bangud wala man ini sang mga identification sa ila mga bulsa.
Indi man sila kilala sa Barangay nga dira sila nasapwan.
Karun sini, padayon pa ang imbestigasyon sang otoridad sa rasun sang krimen