DUHA KA LALAKI GIN TIRO SA CALATRAVA, PATAY

Share on facebook
Share on google
Share on pinterest
Share on twitter
Share on print

Patay ang duha ka lalaki matapos ginluthang sa Sitio Hiwebisan, Barangay Marcelo, banwa sang Calatrava kahapon nga adlaw, Dominggo.

Ang nagkalamatay ginkilala nga sanday Jemir Jemida, 34 anyos kag Roberto Sanopao Jr. , 32 anyos samtang ang suspetsado ginkilala naman kay Jerone Baynosa, 28 anyos tanan nagapuyo sa amo man nga Barangay.

Suno kay PMaj Roberto Indiape, hepe sang Calatrava PNP, nagapahuway-huway lamang si Jemida sa tiangge ni Lemlem Contiga sang nag-abot ang suspetsado kag ginluthang ang biktima, igo sa ulo gamit ang kalibre 38 nga revolver.

Luyag kuntani ni Sanopao nga magtambag, apang natumba ini kag ginluthang man siya sang suspetsado kag na igo sa dughan.

Ginlabo ni Roberto Sanopao Sr. ang suspetsado igo sa kilid, ginluthang man siya sang suspetsado, apang wala naglupok ang armas sini.

Ginhingagaw pa dala sa Calatrava District Hospital ang duha ka biktima apang gindeklara nga patay.

At-large naman ang pilason nga suspetsado. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.