DUHA KA KAPITAN SA BACOLOD, NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Duha na ka mga Punong Barangay sa syudad sang Bacolod ang nag positibo sa Covid-19.

Suno kay Liga ng mga Barangay Presidente Lady Gles Gonzales, ang mga nag positibo nga kapitan amo sanday Kapitan Boy Pico sang Barangay Mansilingan kag Kapitan Ricky Mijares Sr. sang Barangay Banago.

Madumduman, una gin pahayag ni Mijares sadto nga nag negatibo ini sa una nga RT-PCR test.

Sa impormasyon ni Gonzales, tinalikdan nga semana naka patigayon sang session si Mijares sa Barangay, nag lain ang iya pamatyag kag didto nag desisyon nga mag paidalum sa ikaduha nga test kag nag positibo sa masakit.

Sadtong Sabado nga adlaw sang nahibaluan ni Gonzales ang resulta sang test.

Gin paidalum sa karon sa lockdown ang Barangay Hall sang Banago umpisa Agusto 17 tubtob 23 para sa disinfection.

Gin anunsyo man ni Kapitan Pico nga nag positibo man ini sa Covid-19 lakip man ang 22 anyos niya nga bata nga lalaki.

Suno kay Pico, nagbatyag ini sang sore throat, hilanat kag palanakit sang lawas. Bangud sini, napaidalum sa lockdown ang Barangay Hall sang Mansilingan.

Gin paidalum sa swab test ang asawa ni Pico kag ang iban pa nga upod nila sa balay.

Sa kabug-usan, duha ka kapitan sa syudad kag isa ka Barangay Kagawad sang Brgy. 14 ang nag positibo sa masakit.

Nag panugyan si Gonzales sa mga frontliners nga mga Barangay Officilas kag personnel nga indi mag kompyansa, ipatuman ang social distancing kon mag padulong sa mga lockdown area kag sundon ang minimum health standard. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.