DUHA KA KAGAWAD KAG BUYER SANG ARMAS, ARESTADO SANG ENTRAPMENT OPERATION

Share on facebook
Share on google
Share on pinterest
Share on twitter
Share on print
ESCALANTE CITY, Negros Occidental- Arestado ang duha ka kagawad kag buyer sang mga armas luthang, sa entrapment operation nga gin patigayon sa gintingob nga pwersa sang Escalante City PNP, Sagay City PNP, Intelligence unit sang Negros Occidental Police kag Provincial Mobile Force Company alas 7 sang gab I sa Purok Azusina, Barangay Old Poblacion, siudad sang Escalante.

Gin kilala ang mga nagkaladakpan sa ila nanday Barangay Kagawad Leslie Lamayo, 49 anyos, tag iya sang balay nga ginpatigayunan sang operasyon; Barangay Kagawad Rollie Jaena, 49 anyos, sang Barangay Andres Bonifacio, siudad sang Sagay kag Luvizmin Bautista, 55 anyos, pomuluyo sang Barangay Aquino, siudad sang Canlaon, Negros Oriental.

Sa exclusive interview ni Aksyon Roger Gutib kay Supt. Necerato Sabando Jr., hepe sang Escalante City PNP, si Jaena amo ang nakig transaksyon kay Bautista kag sang mag sugtanay didtu kag gin kontak ni Jaena si Lamayo para sa pagbaklanay na sang mga armas.

Apang, nakalab ot sa Police ang amo nga transakyon rason nga nagpatigayon sang entrapment operation sa puluy an mismo ni Lamayo.

Na-recover ang tatlo ka armas nga ginalakipan sang isa ka KG-9mm caliber rifle; isa ka caliber .45 pistol kag TCM caliber 22. Subongman, nakuha man ang duha ka magazine sang 9mm; tatlo ka magazine sang caliber .45 kag duha ka magazine sang TCM caliber 22, tanan kargado sang bala.

Magluwas pa, may yara man sang wala pa nakalupok nga bala sang tatlo ka mga armas sa diin, pito diri ang iya sang 9mm, siyam ang iya ka caliber.45 kag tatlo ang iya ka TCM caliber 22.

May duha ka magazine pouch nga nagaduag itom, tatlo ka holster kag duha ka silencer.

Natalana naman nga ipadala sa camp crame ang mga na-recover, nga amo ang gamiton sa pag pasaka sang kaso batuk sa tatlo.*via Aksyon Roger Gutib// Photo credit: Escalante PNP

MORE STORIES:

LIKE US ON FB

error: Ooops... You are not authorized to copy this content.