IRANIAN NATIONAL ARESTADO SA NEG OR

Share on facebook
Share on google
Share on pinterest
Share on twitter
Share on print
Gin-aresto sang Manjuyod Police Station sa probinsya sang Negros Oriental ang duha ka Iranian national matapos nagpang-salisi sa isa ka establisyemento komersiyal sa Bacolod. Ang mga suspetsado ginkilala nga sanday Hussien Farrokhzadeh kag Roshandel Alireza. Base sa mug-shot nga ginpadala sang mga kapulisan sang banwa sang Manjuyod sa Police Station 6 sang Bacolod City Police Office, positibo nga ginkilala ni Myka Lona kag Florence Cajulao ang duha ka mga Iranian national nga amo ang nagsulod sa balaligyaan sang bugas sa Lopez-Jaena Sts., Barangay 31 suidad sang Bacolod. Suno kay Lona, ang duha ka mga suspetsado amo ang nagkuha sang 25 mil pesos nga binta sang bugasan nga nakit-an sa CCTV. Pahayag ni Senior Inspector Wilfredo Benoman Jr., hepe sang Police station 6, ipasaka ang kaso nga theft ukon pagpangawat batuk sa duha ka mga supetsado nga iranian. Dugang pa ni Benoman, antes nadakpan ang duha sa banwa sang Majuyod, isa pa gid ka establisyemento ang ila ginbiktima sa syudad sang Dumaguete.

MORE STORIES:

ANU ANG IMO MA KOMENTO?