DUHA KA HVI NADAKPAN SA SEPARADO NGA BUY-BUST OPERATIONS SA PROBINSYA

Share on facebook
Share on google
Share on pinterest
Share on twitter
Share on print

Arestado ang duha ka mga high-value individual sa separado nga buy-bust operation sang mga kapulisan sa probinsya.

Sa banwa sang Calatrava, gin-arestu si Danny Pabalate 42 anyos residente sang  Brgy Patun-an residente sang amo nga banwa.

Suno kay P/Maj. Robert Indiape, hepe sang Calatrava PNP, si Pabalate ang ginakabig nga high value individual kag Top 1 Drug Personality sang Calatrava PNP.

Narekober sa suspek ang tatlo ka plastic sachet sang ginasuspetsuhan shabu.

Samtang sa syudad sang Talisay, nadakpan man kagab-i ang Top No. 9 of Drug Personality sang Talisay City PNP.

Ang suspek ginkilala kay Elias Martinez alias “BODOK”, 52 anyos, residente sang Purok Bay-ad, Brgy. Zone 3, sang amo nga syudad.

Suno kay P/Maj. Jigger Gimeno, hepe sang Talisay PNP, naaktuhan sang kapulisan nga nagbaligya sang ilegal nga droga si Martinez, sa diin narekober man sa suspek ang 17 tanan ka plastic sachets sang ginasuspetsuhan shabu nalakip na dire ang buybust item. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.