DUHA KA GIN ALEGAR MYEMBRO SANG TONGGO GROUP NADAKPAN SA ENTRAPMENT OPERATION SA LA CASTELLANA

Share on facebook
Share on google
Share on pinterest
Share on twitter
Share on print

Arestado ang duha ka ginatudlo miyembro sang Tonggo Group sa entrapment operation sang Criminal Investigation and Detection Group (CIDG)- Bacolod City Field Unit sa Brgy. Robles, banwa sang La Castellana.

Ang mga suspetsado sanday Jovel Sumugat 46 anyos, residente sang Brgy. Cabacungan, banwa sang La Castellana kag Renon Taclobos, 31 anyos, residente Brgy. Delicioso, banwa sang Ilog.

Suno kay Police Chief Master Sgt. Ramiro Gocotano, ang duha imbolbado sa mga gunrunning activities sa syudad sang Bacolod kag probinsya kag naaktuhan nga nagbaligya sang ilegal nga armas.

Na-recover kay Sumugat ang isa ka KG-9, duha ka magazine, kag Silencer sang KG-9, ID sang Task force Kasanag kag iban pa samtang, na-recover naman kay Taclobos ang isa ka UZI Sub-Machinegun, Magazine assembly sang UZI kag mga bala.

Ang mga suspek ditinido karon sa costudial facility sang CIDG kag nagapangatubang sang kaso nga paglapas sa illegal nga paghupot sang armas sa idalom sang RA 10591.

Ginklaro ni Task Force Kasanag National Chairman John Chiong nga indi nila lehitimo nga miyembro si Jovel Sumugat, nga nakuhaan sang TFK ID sa entrapment operation sang CIDG-Bacolod.

Suno kay Chiong, personal sini nga gin-usisa ang ID ni Sumugat kag natukiban nga ginpa-scan lamang ang ini kag gin-peke pa ang pirma.

Dugang pa ni Chiong ang mga ID nga iya gina-issue, may mga “bar code” kag renewable kada tuig.

Tungod sa natabo, plano ni Chiong nga paimbestigahan ang pagpameke sang ID kag ang tawo sa likod sini agud mapasakaan sang kaso. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.