DUHA KA GIN ALEGAR HOLDAPER NADAKPAN SA ISABELA

Share on facebook
Share on google
Share on pinterest
Share on twitter
Share on print

Arestado ang duha ka gin-alegar holdaper sa Brgy. Mansablay, banwa sang Isabela, Biernes sang gab-i.

Ang mga suspek amo sanday Benjie Nanar 24 anyos, residente sang Brgy. Mansablay kag Sunny Tubalde 32 anyos sang Brgy. Camang-camang sa amo nga Banwa.

Sa inisyal nga pagpangusisa ni P/Capt. Joseph Partidas, hepe sang Isabela Police Station, sanday Nanar kag Tubalde ang responsible nga nagholdap nanday Jose kag Felicidad Jelardino  sang Sitio Bugalo, sa amo nga lugar.

Narekober sa mga suspek ang (1) isa ka homemade improvised shotgun nga may duha pa ka mga bala, narekober man sa ila ang (1) isa ka heat sealed plastic sachet sang ginasuspetsuhan shabu, cellular phone kag inugbulang nga manok.

Ditinido karon sa custodial facility sang Isabela PNP sanday Nanar kag Tubalde kag nagapangatubang sang kaso robbery, paghupot sang ilegal nga armas kag ilegal nga droga. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.