DUHA KA DRIVER NGA IMBOLBADO SA AKSIDENTE SA BACOLOD GIN HILWAY

Share on facebook
Share on google
Share on pinterest
Share on twitter
Share on print

Ginpagwa sang Hwebes sang aga sa custodial facility sang Police Station 1 ang driver sang Mitsubishi Montero nga si Kenny Arillo, 21 anyos sang Providencia Subd. Barangay Alijis syudad sang Bacolod matapos sang dise-otso oras nga pagka-priso.

Myerkules sang gab-i sang una nga ginbuy-an ang driver sang JMC-Van nga si Genesis Graellos nga pumuloyo sa banwa sang Murcia matapos makita sa CCTV nga nagaparking gid lamang ang iya salakyan sang matabo ang aksidente.

Suno kay Police Major Jovil Sedel hepe sang Police Station 1 ginatugyan niya sa pamilya sang mga biktima ang desisyon sa pagpasaka sang kaso batok kay Arillo.

Suno kay Sedel handa ang pamilya ni arillo Magbulig sa pamilya sang napatay kag napilasan sa natabo nga aksidente sa dalan Lacson-San Sebastian sakop sang Barangay 32.

Ang salakyan ni Arillo amo ang nagbunggo sa ambulansya nga ginamaniho sang napatay nga si Jessie James Tranilla nga naga-obra sa South Bacolod General Hospital.

Hwebes sang aga sang gin-operahan sa South Bacolod General Hospital ang nurse nga si Maria Cajeras nga sakay sa ambulansya kag ginabulong man sa amo nga hospital ang aid sini nga si Jose Francisco III Sombero nga pumuloyo sang Barangay Sum-ag.

Samtang ang pasyente nga sakay sa ambulansya nga si Vicente Limaco, 78 anyos ang padayon ginabulong sa Corazon Locsin Montelibano Memorial Regional Hospital.  | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.