DUHA KA DETACHMENT, GIN-HARASS SANG GIN ALEGAR NPA

Share on facebook
Share on google
Share on pinterest
Share on twitter
Share on print
Guihulngan City-  Isa pilason sa miembro sang Regional Public Safety Battalion ukon RPSB Region 7 matapos gin-harass ang duha ka detachment nga nahamtang sa Barangay Balugo kag Barangay Liko, siudad sang Guihulngan, probinsiya sang Negros Oriental sang mga ginapatihan New People's Army ukon NPA kahapon Oktubre 30. 
Ginkilala ang pilason kay PO1 Elvis John Lucasan, nga nakaangkon sang pilad sa likod kag naglapos sa iya tiyan apang sa karon, luwas na sa katalagman. 
Sa interview ni Aksyon Stephen Presquito, San Carlos City Correspondent kay Supt. Mario Maquiran, hepe sang Guihulngan City PNP, una nga ginsulod kag ginharass sang NPA ang detachment sang RPSB sa diin, may pagbayluhanay sang lupok nga nag lawig sang napulo ka minutos. 
Dugang pa ni Maguiran, ginsunod nga ginsulod sang mga miembro sang NPA amo ang Regional Mobile Force Battalion ukon RMFB Region 7 nga nahamtang sa bahin sang Port Bulado, Barangay Liko sa amo nga siudad. 
Nagapadayon ang ginahimo nga hot pursuit operation sang Police, AFP kag Special Action Force ukon SAF sa paglagas sa mga persona nga may kahimu an sang amo nga 'harrassment'.

MORE STORIES:

LIKE US ON FB

error: Ooops... You are not authorized to copy this content.