DUHA KA CASUAL EMPLOYEES SANG HIMAMAYLAN NADAKPAN NGA NAGA BALIGYA ARMAS

Share on facebook
Share on google
Share on pinterest
Share on twitter
Share on print
(CIDG Bacolod Photo)

Arestado ang duha ka mga lalaki nga casual employee sa syudad sang Himamaylan matapos nagbaligya sang armas sa entrapment operation sang Criminal Investigation and Detection Group ukon CIDG sa Sitio Lagundo, Brgy. Su-ay, Himamaylan, takna las 4:50 sang hapon Mayo 8. Ang mga suspek ginkilala kanday Rey Vinson 57 kag Edgar Villaluna 50 anyos, parehas nga naga puyo sa nasambit nga lugar.

Suno kay Police Chief Executive Master Sgt. Ramiro Gocotano, ang OIC Head sang CIDG Bacolod City Field Unit, paagi sa entrapment operation naaktuhan sang ila hanay nga nagbaligya sang isa ka Cal. 45 pistol ang mga suspetsado sa isa ka miembro sang CIDG nga nagpakuno kuno poseur buyer.

Dugang pa ni Gocotano, ang mga suspek ang gin alegar imbolbado sa gun-running activities sa syudad sang Bacolod kag Negros Occidental.

Suno sa CIDG, napaslawan ang mga suspek nga mag pakita sang dokumento nga naga hatag sa ila sang puder nga mag uyat ukon mag baligya sang armas.

Sanday Vinson kag Villaluna ang nagapangatubang karon sang kaso violation of RA 10591 ukon paghupot kag pagbaligya sang ilegal nga armas. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.