DUHA KA BRGY. SA BACOLOD POSIBLE IMBESTIGAHAN ANGUT SA SAP

Share on facebook
Share on google
Share on pinterest
Share on twitter
Share on print

Ginkumpirmar ni Criminal Investigation and Detection Group ukon CIDG Bacolod City Field Unit Head Police Chief Master Sgt. Ramiro Gocotano nga may duha na ka barangay sa syudad sang Bacolod ang posible imbestigahan may kaangtanan sa indi patas nga pagpanagtag sang form sang Social Amelioration Program ukon SAP.

Suno kay Gocotano, padayon ang ila hanay nga nagapakig-angot sa DSWD sa syudad agud hibaluon kung diin pa nga mga barangay sa syudad ang ginareklamo batok sa isyu sang SAP.

Dugang pa ni Gocotano, sa tion nga makuha nila ang mga reklamo batok sa pila ka mga opisyal sang barangay, magapatigayon na sila sang case Build-up kag imbestigasyon.

Palayag pa ni Gocotano, nakabaton ang ila ahensya sang reklamo nga may mga miembro pa sang 4Ps ang ginakaltasan sang pila ka opisyal sang barangay balor 1,200 ka pesos ang budget.

Nagpanawagan man si Gocotano sa mga pumuloyo sang Bacolod nga magpakig-agot sa ila opisina paagi sa pagtawag sa telepono 433-31-96 agud mahibaluan ang dugang nga reklamo.

Hungod nga wala ginhingadlan ang duha ka mga barangay agod indi maapektuhan ang proseso.

Samtang, handa na ang CIDG Provincial Field unit sa pagbaton sang mga reklamo gikan sa mga pumoloyo sa tagsa ka mga kabanwahanan kag kasyudaran sa probinsya agud imbestigahan ang gin-alegar indi patas nga pagpanagtag sang SAP.

Suno kay Gantang, handa na ang ila ahensya sa pagbaton sang mga reklamo paagi sa pagtawag sa linya numero (034) 709 1481.

Ginpaathag ni Gantang nga kun sin-o man sa mga nakasala nga opisyal ang mapamatud-an nga imbolbado sa korapsiyon posible magapangatubang sang kaso nga paglapas sa Bayanihan To Heal As One Act kag Anti- Corrupt Act Practices Of A Public Official, Code of Conduct of public officer kag falsification of public documents.

MORE STORIES:

LIKE US ON FB

error: Ooops... You are not authorized to copy this content.