DUHA KA BATA NGA LALAKI SA BACOLOD PATAY SA DENGUE

Share on facebook
Share on google
Share on pinterest
Share on twitter
Share on print

Patay ang duha ka mga bata nga lalaki bangud sa ginadudahan dengue sa syudad sang Bacolod.

Ang mga nag kalamatay, naga edad 6 ka tuig, residente sang Rosario Heights Subdvision, Barangay Taculing kag 3 tuig nga residente sang Camella Homes Subdivision, Barangay Mandalagan.

Sa record sang City Health Office, gin dala sa isa ka pribado nga oospital sa Bacolod ang anom ka tuig nga bata sadtong Setyembre 20 pero nag taliwan ini oagka- Setyembre 21; samtang Setyembre 24 naman sang gin dala sa pribado nga ospital ang tatlo ka tuig nga bata pero nag taliwan ini sang Setyembre 28 matapos nag develop ang komplikasyon.

Suno kay Dr. Grace Tan, pamuno sang City Health Office Environment and Sanitation Division, dapat hatagan sang naga kaigo nga fluids ang persona nga naga hilanat sa sulod sang isa ukon duha ka adlaw agud indi mag-progress ukon mag lala’ ang masakit nga dengue antes ini dal-on sa hospital.

Samtang, nag dangat na sa 914 ang kaso sang dengue sa syudad nga may siyam nga napatay umpisa Enero tubtub Setyembre 29 mas manubo sang 38.1% ikumparar sa 1,477 ka mga dengue cases nga may 10 ka napatay tinalikdan nga tuig.

MORE STORIES:

ANU ANG IMO MA KOMENTO?