DUGANG NGA WALO KA PUBLIC SCHOOL KAG YOLANDA HOUSING PROJECT SA SILAY PAGAHIMUON NGA QUARANTINE CENTERS

Share on facebook
Share on google
Share on pinterest
Share on twitter
Share on print

Padayun sa karon ang pagpreparar sang gobyerno sang Bacolod sang dugang nga walo ka mga buluthuan sa elementary kag high school nga usaron sa tion nga madamo ang mag positibo sa Covid-19 sa mass testing nga patigayunon sa Agusto 28 kag 29.

Suno kay City Councilor Renecito Novero, chair sang quarantine center action team, ini nga mga buluthuan ang wala labot sa existing nga anom ka public school para sa Covid-19 positive nga asymptomatic kag mga close-contact kag dugang nga lima ka public school para sa mga Locally Stranded Individuals.

Nag pangabay si Novero sa publiko nga indi mag laum nga ang gina preparar nga dugang nga isolation facilities ang mangin ‘komportable’ sila pero ini ang pwede matiniran kag masiguro ang ila seguridad.

Suno pa kay Novero, nag pakigangut man si Mayor Evelio Leonardia kay Silay Mayor Mark Golez kag anay Congressman Albee Benitez angut sa pag usar sang 500 units nga Yolanda Housing Project sa Silay nga butangan sang mga mag positibo sa tion nga indi na ini ma akomodar sang pasilidad ka syudad. | Aksyon Dale Salazar

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

LALAKI NADAKPAN SA BUY-BUST OPERATION

Dakop ang isa ka lalaki matapos ang buy-bust operation sa San Juan Tunga, Barangay 5, Syudad sang San Carlos.

Gin kilala ang nadakpan kay Joemarie Layam, 26 anyos, wala sang trabaho kag nagapuyo sa amo man nga lugar.

Sa pagpanguna ni PLt Roby Aurita, Deputy of Police sang San Carlos PNP, tigayon nabaklan sang ginapatihan shabu si Layam kag nakunpiskaran sa balor 10, 200 pesos kay 400 pesos nga buy-bust money.

Priso na ang nadakpan sa custodial facility sang San Carlos PNP. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.