DUGANG NGA WALO KA MGA BALAY GIN-LOCKDOWN SA PUROK CORDOVA, BRGY 18

Share on facebook
Share on google
Share on pinterest
Share on twitter
Share on print

Walo ka mga balay ang ginlockdown sa 1st Road, Purok Cordova, Brgy. 18 syudad sang Bacolod matapos nagpositibo ang duha ka mga persona.

Suno kay Punong Barangay Madeleine Diaz, nagdesisyun ang Barangay Council nga ipaidalom sa lockdown ang balay sang isa ka personnel sang Corazon Locsin Montelibano Memorial Regional Hospital (CLMMRH) nga nagpositibo sa COVID-19 kag ang anum ka iban pa nga puluy-an sa palibot sini.

Ginsealed-off man ang balay sang nurse nga nagpositibo sa COVID-19.

Temporaryo nga maga-sira ang pila ka mga kalan-an nga nahamtang malapit sa lugar.

Gindeklarar ni Diaz nga lockdown ang Barangay 18 para sa disinfection.

Nagdangat na sa anum ang mga kumpirmado nga kaso sang COVID-19 sa Barangay 18 humalin tinalikdan nga semana. | Aksyon John Diaz

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

MORE STORIES:

LIKE US ON FB

error: Ooops... You are not authorized to copy this content.