Nagpangabay si Congressman Greg Gasataya kay DSWD Secretary Rolando Bautista nga pasakaan ang numero sang mga senior citizens nga nagabaton sang social pension sa syudad sang Bacolod.
Subong nga semana sang ginpadala sang Kongresista ang pormal nga sulat kay Bautista para sa sini nga pangabay.
Suno kay Gasataya, sa Bacolod may yara lamang sang 2,700 ka mga benepisyaryo sang social pension nga nagabaton sang 500 pesos sa kada bulan samtang may kapin 4,000 pa nga pending nga application nga kwalipikado man sa programa.
Para kay Gasataya, dako ini nga bulig para sa mga senior citizens nga wala sang may ginabaton nga pension sa SSS, GSIS ukon iban pa.
Nagpasiguro si Gasataya nga sa tion nga mag abot ang budget hearing subong nga tuig, iya igaduso nga mahatagan sang pondo ang ini nga plano. | Aksyon Dale Salazar