Maga abot sa syudad sang Bacolod ang ikatatlo kag ikaapat nga batch sang returning OFWs subong nga semana.
Suno kay Councilor Israel Salanga, chair sang Action Team on Returning OFWs, base sa inisyal nga impormasyon nga iya nabaton, 80 ka mga OFWs ang maga abot sa Martes kag dugang nga 80 ka mga OFWs sa Myerkules.
Pero suno kay Salanga, wala pa nahibaluan kon pila ang residente sang Bacolod kag pila ang residente sang Negros Occidental.
Ini na ang ikatatlo kag ikapaat nga batch sang returning OFWs sa Bacolod.
Suno sa Konsehal, bisan may negatibo na nga resulta sang swab test sang mga maga abot nga OFWs, ini sila ang ipaidalum sa 14-day mandatory quarantine kag liwat man nga kuhaan sang swab specimen. | Aksyon Dale Salazar