DUGANG NGA APAT KA TAWO NAG POSITIBO SA COVID-19 SA BRGY ESTEFANIA

Share on facebook
Share on google
Share on pinterest
Share on twitter
Share on print

Nadugangan sang apat ka mga persona nga nagpositibo sa COVID-19, ang Barangay Estefania, syudad sang Bacolod.

Sa interview sang Aksyon Radyo Bacolod, ginkumpirmar ni Punong Barangay Jerry Tingson nga ang apat ka mga nagpositibo sa balatian himata sang isa ka persona nga una nagpositibo sa masakit kag yara na sa facility quarantine.

Suno kay Tingson, isa ang nagpositibo sa Greensville I Subdivision, isa man sa Villa Angeles Subdivision, isa sa Jesusa Heights Subdivision kag isa sa Purok Villamar.

Ang mga nagpositibo ang naka home quarantine kag igasaylo na sa facility quarantine subong nga hapon, Lunes.

Nagapabilin nga sealed-off ang 31 ka mga puluy-an sa nagkalain-lain nga purok sa Barangay Estefania.

Nagpasiguro naman si Tingson nga sustentuhan ang kinahanglanon nga pagkaon sang mga apektado nga persona.

Nagahingyo naman si Tingson sa mga pumuluyo nga maghalong kag sundon ang mga health protocols nga ginapatuman sang gobyerno agud indi matapikan sang balatian. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.