13 ka mga Negrense Centenarians ang personal nga ginhatagan ni Governor Bong Lacson sang tig P100,000 nga bulig pinansiyal subong nga adlaw, Myerkules.
Ini ang kabahin sa door-to-door awarding sang cash assistance nga ginapatigayon sang gobernador.
Una nga ginpadulungan ni Lacson ang mga benepisyaryo sa syudad sang Bago, ginsundan sang Hinigaran, Himamaylan, Kabankalan kag Ilog.
Suno kay Provincial Social Welfare Office officer-in-charge Merle Garcia, ini ang ikaduha nga batch sang mga centenarians nga ginhatagan sang bulig pinansiyal.
Una ang ginpatigayon sadtong Biyernes Nobyembre 20, sa diin 8 ka mga benepisyaryo ang personal man nga ginhatagan tig P100,000 sang gobernador, sa syudad sang Escalante, Sagay, Cadiz, banwa sang EB Magalona kag Manapla.
Dugang pa ni Garcia, sunod nga hatagan ang mga centenarians sa syudad sang La Carlota, La Castellana, banwa sang Isabela kag Cauayan.
P5 milyones pesos ang pondo nga ginpain sang gobyerno probinsiyal sa sini nga proyelto, para subong nga tuig 2020. | Aksyon Marlon Genovea
