DSWD USEC ILAGAN: SAP BENEFICIARIES MAY MABATON NGA AYUDA SA MAYO KON INDI PAG AMYENDAHAN ANG BAYANIHAN ACT

Share on facebook
Share on google
Share on pinterest
Share on twitter
Share on print

Magapabilin nga duha ka bulan ang ayuda nga batunon sang mga Social Amelioration Program ukon SAP Beneficiaries sa tion nga wala gin-amiendahan ang Bayanihan to Heal As One Act.

Suno kay DSWD Undersecretary Luzviminda Ilagan, lauman sang mga beneficiaries nga may yara pa sila sang kuhaon nga ayuda para sa bulan sang Mayo, magluwas na lamang kon amiendahan ang layi ukon may ginpagwa nga panibag-o nga guidelines para diri.

Dugang pa ni Ilagan, tubtub wala sang may pagligwat ang layi, magapabilin nga may batunon nga ayuda ang mga benepisyaryo bisan pa nga i-downgrade sa General Community Quarantine ang isa ka lugar.

Samtang, nagpanugyan si Ilagan nga magdangop sa grievance committee ang mga may yara sang reklamo angot sa tagtaganay sang SAP.

Suno kay Ilagan, indi malipod nga madamo ang nagareklamo angot sa ayuda kag ini ang kabangdanan kon nga-a ila ginpaburan nga ipaskil sang kada-Barangay ang listahan sang SAP beneficiaries.

Nagpasiguro si Ilagan nga ila ginatinguhaan nga ma-validate ang mga ngalan agod masiguro nga mahatagan sang ayuda ang mga nagakadapat.

Gin pahayag man sini nga kinahanglan nga mahatagan sang leksiyon ang mga benepisyaryo nga imbolbado sa iligal nga buluhaton kaangay sang mga nadakpan nga nagapanahor.

Dugang pa ni Ilagan nga para naman sa 4Ps beneficiaries, sigurado nga may yara sila sang salabton angot sa pila ka patakaran nga ila gin bayolar. | Aksyon Ann Defensor

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

MORE STORIES:

LIKE US ON FB

error: Ooops... You are not authorized to copy this content.