DSWD REGIONAL DIRECTOR, GINPALAYAG ANG 3 KA PANGHANGKAT SA AHENSYA

Share on facebook
Share on google
Share on pinterest
Share on twitter
Share on print

Tatlo ka mga pagpanghangkat sa Department of Social Welfare and Development ukon (DSWD) Western Visayas ang ginpalayag ni Regional Director Ma. Evelyn Macapobre, angot sa payout distribution sang Social Amelioration Program ukon ( SAP).

Ini amo ang pag ‘manage’ sang pondo, pagpahanumdum sa mga tawo angot sa social distancing kag risgu sang mga social workers sa pagpanagtag sang kuarta.

suno kay Macapobre, P15 bilyones pesos ang gina managed nga pondo sang ila ahensiya kada tuig, apang sa Social Amelioration nga programa sila ang ginpainan sang P8. 4 bilyones pesos kag dapat nga mahatag sa mga benepisyaryo sa sulod lamang sang isa ka bulan.

Problema man sang DSWD suno kay Macapobre ang ang indi pagtuman sang mga tawo sa Social distancing, kag kakulang sang ila manpower bangud sa ginpatuman work-from-home scheme, kag lock down sa pila ka mga lugar.

Dugang pa ni Macapobre, nabutang man sa risgu ang kabuhi sang pila ka mga social workers sa payout distribution sa mga malayu nga lugar.

Apang ginpasalamatan ni Macapobre ang tanan nga mga nagbulig para mapatigayon ang distribution, labi na ang mga local government units.

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.