DSWD 6: ‘ADDITIONAL FAMILIES’ SA SAP MAKABATON SANG AYUDA SUBONG NGA SEMANA

Share on facebook
Share on google
Share on pinterest
Share on twitter
Share on print

Magaumpisa sa pagpanagtag sang Social Amelioration Program (SAP) assistance para sa una nga batch sang dugang nga benepisyaryo sa Western Visayas , ang Department of Social Welfare and Development Field Office VI subong nga semana.

Suno kay Regional Director Ma. Evelyn B. Macapobe, patigayunon ang payout sa 21 ka mga local government units (LGUs).

Ini ang ginalakipan sang 3 ka mga banwa sa Aklan, 2 sa Antique, 7 sa Capiz, 4 sa Guimaras, kag 5 sa Negros Occidental.

Dugang ni Macapobre, target sang regional office nga maka payout sa 19,534 ka dugang nga SAP beneficiaries, sa diin ang ila ngalan ang nalista sa una nga batch sang clean list halin sa Central Office.

Suno pa sa regional director, nahatagan na ang mga LGUs sang listahan sa ngalan sang dugang nga SAP beneficiaries para sa posting.

Ginahulat pa sang Department of Social Welfare and Development (DSWD) ang clean list sang mga benepisyaryo sa ikaduha nga tranche.

Sa second tranche, ang probinsiya sang Iloilo, syudad sang Iloilo kag Bacolod lamang ang sakop sini sa Western Visayas.

Sa datos nga ginpresentar ni Macapobe , 104,027 ka mga myembro sang Pantawid Pamilyang Pilipino Program sa sini nga mga lugar, ang nakabaton na sang ila top-up SAP aid nagligad nga Hunyo 11.

Sa una nga tranche, nakapanagtag na ang DSWD sang SAP sa kabug-usan nga 1,454,190 ka mga pamilya nga may total grant nga P8,290,670,850, as of June 30, 2020.

Sa sini nga kadamuon sang mga nahatagan, 1,132,361 sa mga ini ang non 4Ps beneficiaries nga nagbaton sang P6,000 paagi sa ila tagsa ka mga local government units. | Aksyon Marlon Genovea

MORE STORIES:

LATEST NEWS

LIKE US ON FB

error: Ooops... You are not authorized to copy this content.

YOU MAY ALSO READ: