Prayoridad sang Department of Social Services and Development ukon DSSD sa syudad sang Bacolod ang pagtuman sa Memorandum Circular number 14 nga gin papanaug sang DSWD nga naga mando sa ila tatalatapan sa pag kumpleto sang listahan sang mga benepisaryo nga tuyo hatagan sang ayuda ukon bulig pinasyal sang gobiyerno nasyunal paagi sa Social Amelioration Program ukon SAP.
Suno kay Bacolod City DSSD head Pacita Tero, target sini nga programa amo ang mga benepisaryo nga na left out ukon wala ma dala sa first tranche sang amo nga financial assistance.
Dugang pa ni Tero, lima lamang ka adlaw ang deadline nga gin hatag sa iya talatapan para tapuson ang amo nga trabaho.
Base sa listahan nga gin sumiter ni Tero sa DSWD National ang Bacolod ang may yara sang 10,542 nga kadamuon sang mga left out apang ini ang nabuhinan na sang kapin kwatro sientos (400) ka mga indibidwal nga tigayon na nga nahatagan sang tag seis mil pesos nga cash assistance paagi sa kwarta nga gin balik sang pila ka mga benepisaryo nga na disqualify.
