DSSD GINA PREPARAR NA ANG MGA DOKUMENTO PARA SA BULIG PINANSYAL SANG MGA NASUNUGAN SA BRGY. TACULING

Share on facebook
Share on google
Share on pinterest
Share on twitter
Share on print

Natalana nga magahatag sang bulig pinansya ang lokal nga panguluhan sa syudad sang Bacolod sa mga pamilya nga na biktima sang sunog sa Purok Sunrise, Barangay Taculing.

Suno kay DSSD head Pacita Tero, maga baton sang tag 10 mil pesos nga ayuda pinansyal ang tagsa ka pamilya nga totally destroyed ang ila mga puluy-an, 5 mil pesos sa mga partially damage kag tag 3 mil pesos naman sa tagsa ka pamilya nga naga renta ukon sharer.

Dugang pa ni Tero base sa ila record sa DSSD, 17 ka mga puluy-an ang gin deklarar nga totally destroyed 2 ang partially damage samtang naglab-ot naman sa 30 tanan ka mga pamilya ang apektado sa pangkabilugan.

Sa pihak nga bahin, naghatag na ang syudad sang inisyal nga bulig lakip na dire ang supply nga pagkaon sa mga nabiktima ilabi sa anum ka mga pamilya nga naga tinir sa gym nga ginhimo bilang evacuation center magluwas pa sang separado nga food packs nga gin hatag man sang Barangay.

Nagpadala sang camping tent kag supply sang tubig ang talatapan sang City Disaster Risk Reduction Management Office sa syudad sang Bacolod sa mga pamilya nga nahalitan sang sunog.

Suno kay Executive Assistant kag DRRMO cluster head Jomarie Vargas, ini nga mga tent ang gin pahamtang sa isa ka gym nga temporary gin tiniran sang mga biktima sang sunod.

Dugang pa ni Vargas, indi gid man tanan nga mga biktima ang nag tinir sa evacuation center nga ila gin set up bangud ang iban sa ila ang nag desisyon nga mag dangop sa ila mga himata nga yara man naga istar malapit sa amo nga lugar. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.