Ginklaro ni DSSD Bacolod Head Pacita Tero sa mga benepisyaryo sang Social Amelioration Program ukon SAP beneficiary nga wala pa nakabaton ang ila talatapan sang guidelines gikan sa gobyerno nasyunal angut sa pagpanagtag sang second tranche sang ayuda.
Una nga nag padala sang mensahe ang National Telecommunications Commission ukon NTC nga iparehistro sang mga SAP beneficiary ang ila nga Social Amelioration Card ukon SAC From sa www.ReliefAgad.ph umpisa Hunyo 12 tubtob 16.
Suno kay Tero, wala pa sang guidelines gikan sa gobyerno nasyunal kon san-o ipanagtagtag ang ayuda kag wala pa na-download ang pondo para sa second tranche.
Gin klaro man ni Tero, nga ang advisory sang NTC ang indi isa ka opisyal nga komunikasyon gikan sa DSWD.
Dugang pa ni Tero, ila na nasumiter ang kapin 15,000 ka mga ngalan nga nalakip sa waitlisted ukon mga benepisyaryo nga kwalipikado sa first tranche pero wala nalakip sa programa.
Sa advisory naman nga gin pagwa sang DSWD Region 6, gin pahayag nga halos tapos na ang pag encode sang SAC rason nga dapat i-check una sa mga LGUs kon na encode na ang ngalan sa SAC encoding system.
Nag pahanumdom ang DSWD Region 6 nga wala naga buot silingon nga kon naka register na sa app ang wala nakahalugan nga mangin SAP beneficiary ini bangud may yara pa sang duplicity check kag pwede makakas sa lista kon ini ang persona ang benepisyaryo man sang ayuda sang iban nga ahensya.
Una nga gin anunsyo ni DSWD Secretary Rolando Bautista nga ang Bacolod ang isa sa mga lugar sa Pilipinas nga makabaton sang 2nd tranche sang SAP.
