DRUG SUSPECT PILASON MATAPOS NATIRUHAN SANG NAGPALAGYO; 680K NGA BALOR SANG GINAPATIHAN SHABU, NAREKOBER

Share on facebook
Share on pinterest
Share on twitter
Share on print

Pilason ang subject sang buy-bust operation sang Bacolod City Police Office-City Drugs Enforcement Unit (BCPO-CDEU) matapos maluthangan sang kapulisan sa atubang sang Bacolod City College, Brgy. Taculing syudad sang Bacolod, Pebrero 25.

Ang pilason ginkilala kay Gino Inventor alyas Peter Pan, legal ang edad kag residente sang Purok Bangros, Brgy. 1 syudad sang Bacolod.

Suno sa Team Leader sang BCPO-CDEU, nagpatigayon sang buy-bust operation sa dalan Alijis, Brgy. Alijis syudad sang Bacolod ang operatiba sang CDEU batuk kay Inventor.

Nagbaligya na si Inventor sa kapulisan sang ilegal nga droga apang nakilal-an sini nga pulis ang nagatransaksyon sa iya kag nagpalagyo sakay sa motorsiklo.

Dugang pa, gin-aligar nga una nga nagpalupok sang armas-luthang si Inventor sa kapulisan.

Nalab-ot si Inventor sa atubang sang BCC kag natiruhan sa tiil.

Narekober sa buy-bust operation ang kapin 100 gramos sang ginasuspetsuhan shabu nga nagabalor sang masobra 680 mil pesos; isa ka kalibre 38 pistol, tatlo ka mga wala naglupok nga bala kag isa ka basiyo sang bala sang kalibre 38 pistol; 5000 pesos nga kwarta kag bag.

Ang natiruhan ang binulan na nga ginamonito sang kapulisan.

Si Inventor ang gindala sa Corazon Locsin Montelibano Memorial Regional Hospital para mabulong. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.