DRUG PERSONALITY PATAY MATAPOS GIN TIRO SANG RIDING-IN-TANDEM SA BARANGAY 2 SA BACOLOD

Share on facebook
Share on google
Share on pinterest
Share on twitter
Share on print
(BCPO Photo)

Patay ang isa ka drug personality matapos ginluthang sang riding-in-tandem sa Purok Balinday, Brgy. 2, syudad sang Bacolod kaina sang hapon, Setyembre 3.

Ang napatay ginkilala kay Felix Olvidado, 23 anyos sang Purok Lampirong, Brgy. 2 syudad sang Bacolod.

Suno kay Police Station 2 Commander Police Captain Leo Estopa, nagalakat sa dalan si Olvidado upod ang iya live-in partner kag isa pa lalaki sang ginluthang sang riding-in-tandem.

Isa lamang ka lupok ang nabatian sang mga pumuluyo sa nagluntad nga pagpangluthang.

Ginhingagaw dala sa Corazon Locsin Montelibano Memorial Regional Hospital (CLMMRH) si Olvidado apang ini gindeklarar nga dead on arrival.

Ginkumpirmar ni Estopa sa Aksyon Radyo Bacolod nga si Olvidado ang isa ka drug personality matapos nga nadakpan nagligad sa buy bust operation apang pila ka bulan ang nakaligad siya ang nahilway sa prisuhan bangud sang plea bargaining agreement.

Dugang pa ni Estopa, si Olvidado ang may kaso man nga theft. Narekober sa lugar sang insidente ang isa ka basiyo sang kalibre 45 nga armas-luthang.

Wala pa sang persons of interest ang kapulisan sa amo nga krimen samtang padayon pa nga gina-usisa ang motibo sang krimen. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.