DRUG PERSONALITY, GINTIRO-PATAY SA HINIGARAN

Share on facebook
Share on google
Share on pinterest
Share on twitter
Share on print

Patay ang isa ka drug personality matapos ginluthang sang riding in tandem sa dalan Rizal, banwa sang Hinigaran hapon sang Enero 16.

Photo: Hinigaran FB Page

Ang biktima ginkilala kay Joey Nillosan, legal sang pang edaron kag nagapuyo sa Barangay Kiwi sa amo man nga banwa.

Suno kay Chief Insp. Jake Barila, hepe sang Hinigaran PNP, nagapungko lamang sa atubang sang balaligyaan sang motorsiklo ang biktima sang nagdulog ang isa ka motorsiklo nga sakay ang duha ka suspetsado.

Gilayon nga nagpalapit ang isa sa duha ka suspetsado kag ginluthang sa ulo ang biktima.

May mga tabon sa nawong ang mga suspetsado rasun nga wala sang may nakakilala sa mga ini.

Dugang ni Barila, nakarekober sila sang duha ka bulto sang ginapatihan shabu sa compartment sang motorsiklo sang biktima nga yara sa ila pagkustodiya.

Si Nillosan ang subject sang buybust sadtong tuig 2017 kag nakuhaan sang shabu kag mga armas luthang, apang na nadismis ang kaso.

Iligal nga droga ang ginalantaw nga motibo sang otoridad angut sa pagluthang sa biktima. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.