DRIVER SANG MOTORSIKLO PATAY, ANGKAS PILASON MATAPOS MAGBUNGGO SA NAGAPONDO NGA TRUCK

Share on facebook
Share on google
Share on pinterest
Share on twitter
Share on print
Patay ang driver sang motorsiklo samtang pilason naman ang angkas sini nga menor de edad matapos aksidente nga mabunggo sa isa ka 6 wheeler truck nga nagapondo bangud na aberiya sa Sitio Ubay, Brgy. Caradio-an siudad sang Himamaylan las 7:55, Nobyembre 23.
Ginkilala ang napatay kay Enrique Cannobis, 55 anyos, residente sang Sitio Nasug-ong, Brgy. Caradio-an samtang pilason naman ang menor de edad sini nga bata.
Suno kay Chief Inspector Anthony Benitez, hepe sang Himamaylan PNP, may posibilidad nga madasig ang pagpadalagan ni Cannobis sa iya motorsiklo rason nga wala niya makita ang early warning device sang truck.
Dugang pa ni Benitez, nahibalu-an nga ang menor de edad nga angkas niya, kilala niya lang kag nalabyan rason ngaa gin pa angkas niya ini kag gin papalihog niya pa nga mag kapyot sang flashlight agud pasanagan ang dalan nga ila gina agyan bangud wala naga andar ang headlight sang iya motorsiklo.
Nahibaluan nga wala ang driver sang truck nga si Amelito Ugdiman sa oras sang natabo ang aksidente bangud nag lakat kag nagpangita siya sang mekaniko nga makabulig sa iya kag ginkakibot nalang nga may aksidente nga nagluntad na sa iya pagbalik.

Ulihi na kag nagpahibalo kag nakig angut si Ugdiman sa kapulisan nga siya ang driver sang truck apang wala man gin detain sang kapulisan bangud gina tan-aw pa kon may salabton ang driver kag ang tag-iya sang truck.

MORE STORIES:

ANU ANG IMO MA KOMENTO?