DRIVER SANG MOTORSIKLO NABUNGGUAN, PATAY

Share on facebook
Share on google
Share on pinterest
Share on twitter
Share on print

Patay ang driver sang motorsiklo matapos ma bungguan sang isa ka carry nga salakyan sa National Highway malapit sa Hacienda Tinihaban 1, Brgy. San Jose banwa sang EB Magalona, las 8:57 sang aga, Oktubre 19.

Ginkilala ang napatay kay Ramiro Javelosa, ginabulubanta 60 anyos ang edad kag residente sang Brgy.2 Poblacion sa amo man nga banwa.

Samtang ang driver naman sang carry nga salakyan amo si Marx Len Langreo, 33 anyos kag residente sang East Home 4, Brgy. Mansilingan siudad sang Bacolod.

Suno kay Senior Inspector Jaynick Bermudez, hepe sang EB Magalona PNP, base sa mga testigos, nag pundo sa higad sang dalan si Javelosa kag nagpa huway-huway kag matapos sang pila ka minutos nag balik ini sakay sa motorsiklo kag hinali nalang nga nag liko siya pa wala rason kon ngaa na bungguan siya sang nagapadulong nga carry nga gina maneho ni Langreo.

Dugang pa, ang motorsiklo kag ang carry ang parehas nagapadulong sa sur nga direksyon.

Suno kay Bermudez, nag liko pa wala si Javelosa bangud posible nga mabalik siya sa iya nga gin halinan bangud suno sa pamilya sini, bag-o paman siya nag lakat, nag reklamo na nga nagalain ang iya pamatyag.

Dugang pa, bangud nga national highway posible nga madasgi ang padalagan sang carry kag wala na matalupangdan pa ni Javelosa.

Sa karon, naka gwa na sa custodial facility sang EB Magalona PNP si Langreo bangud natapos na ang reglementary period kag gina hulat na lamang ang desisyon sang pamilya ni Javelosa kon pasakaan siya sang kaso

MORE STORIES:

LIKE US ON FB

error: Ooops... You are not authorized to copy this content.