DRIVER SANG AMBULANSYA PATAY, TATLO PILASON SA PAGBUNGGUANAY SANG TATLO KA SALAKYAN SA BACOLOD

Share on facebook
Share on google
Share on pinterest
Share on twitter
Share on print

Patay ang driver sang ambulansya kag pilason ang tatlo ka sakay sini matapos nabunggu-an sang isa ka pribado nga salakyan sa ginsang-an sang San Sebastian- Lacson street syudad sang Bacolod ala 1:15 kaina sang hapon, Myerkules.

Ang napatay ang ginkilala kay Jessie James Tranilla, samtang pilason naman sanday Maria Cajeras, 30 anyos- nurse, Jose Francisco Sombero, 34 anyos-auxilliary kag ang pasyente nga si Vicente Limaco, 78 anyos nga residente sang Brgy Binicuil syudad sang Kabankalan.

Suno kay Station 1 commander Major Jovil Sedel, nagabyahe padulong norte padulong sur nga direksyon ang ambulansya sang ginbungguan sang Montero sports nga salakyan nga ginamaneho ni Kenny Arillo, 21 anyos, residente sang Barangay Alijis nga nagabyahe gikan nakatundan padulong nasidlangan nga direksyon.

Dugang pa ni Sedel, posible nadula-an sang control si Tranilla, rason nga natumba ang ambulansya kag nagbunggo sa delivery van nga ginamaneho naman ni Genesis Graellos, 32 anyos kag residente sa banwa sang Murcia nga nagabyahe naman gikan norte padulong sur nga direksyon.

Sa karon, si Cajeras kag Sombero ang ginabulong sa South Bacolod General Hospital samtang si Limaco ang gindala sa Corazon Locsin Montelibano Memorial Regional Hospital.

Si Arillo ang priso karon sa custodial facility sang Police Station 1 kag mahimo mangatubang sang kaso nga reckless imprudence resulting to homicide and multiple injuries kag damage to property.

Gin-detain sa station 1 si Graellos samtang nagapadayon pa ang imbestigasyon sang kapulisan. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.