DRIVER PATAY MATAPOS GIN BUNO SANG KAANGAY NGA DRIVER

Share on facebook
Share on google
Share on pinterest
Share on twitter
Share on print

Patay ang driver sang depasahe nga van matapos ginbuno sang iya nga upod sa DPL transport dalan Lopez Jaena, Brgy 31, syudad sang Bacolod kaina sang aga, Hunyo 6.

Ang biktima ginkilala kay Raul Canagat nagapuyo sa Fuentez syudad sang Silay samtang ang suspek ginkilala man kay Wilbert Locsin, 29, anyos nagapuyo sa banwa sang E.B. Magalona.

Suno kay P/Capt. Elmer Bonilla, hepe sang Police station 6, si Canagat ang nakaangkon sang malubha nga pilas sa iya lawas nga gintunaan sang iya hinali nga kamatayon.

Dugang pa ni Bonilla, antis natabo ang insidente, nagparekord pa ang suspek sa ila estasyon matapos nga ginpahog ini sang biktima, apang pila lamang ka minutos gikan sa pagreport sa pulis, ginbuno ni Locsin si Canagat gamit ang kutsilyo.

Sa interview ang Aksyon Radyo Bacolod, ginpahayag sang suspetsado nga naimpito ini sa mga pagpamahog sang biktima.

Suno kay Locsin, matawhay ini nga nagabyahe sang van kaina sang aga sang hinali nalang siya ginlagas ni Canagat sang ginamaneho sini nga salakyan sa bahin sang dalan Burgos, syudad sang Bacolod.

Aligasyon ni Locsin, ang biktima ang may dala nga armas-luthang kag ginapahog siya nga patyon sa wala niya mahibaloan nga rasun.

Pagpahayag sang suspetsado makit-an sa text messages sa cellphone ang mga malain nga mensahe nga ginapadala sa iya sang biktima.

Dugang pa ni Locsin, nagtingwa ini nga likawan si Canagat kag nagpangayo sang abiso ukon bulig sa iya mga abyan.

Nadesisyun nga magpablotter sa Police Station 6 si Locsin apang pagbalik sini sa pradahan sang van gin-aligar nga liwat ini ginpronta sang biktima rasun kun ngaa wala ini nagduha-duha nga magkuha sang kutsilyo kag ginbuno si Canagat.

Nagapangayo naman sang pasaylo si Locsin sa pamilya sang biktima kag nagpahayag nga handa atubangon ang kaso nga ipasaka batuk sa iya.

Ang suspek ang boluntaryo nga nagsungka sa pulis matapos ang insidente.| Aksyon Alvin Grava, Aksyon John Diaz

MORE STORIES:

LIKE US ON FB

error: Ooops... You are not authorized to copy this content.