DR. LOBATON NAG RESIGN BILANG EXECUTIVE ASSISTANT IV NI GOV LACSON

Share on facebook
Share on google
Share on pinterest
Share on twitter
Share on print

Ginkompirmar ni Dr. Jonathan Lobaton ang iya pagresign bilang Executive Assistant IV kag Chief of Staff ni Negros Occidental Governor Bong Lacson.

Sa interview sang Aksyon Radyo Bacolod, ginpahayag ni Lobaton nga Agusto 5, 2020 sang iya ginsumiter kay Lacson ang iya resignation letter.

Suno kay Lobaton, luyag sini nga matutukan ang iya career sa pagtudlo bilang Doctor in Public Administration kag mahatagan sang panahon ang pagtatap sa iya 83 anyos nga iloy.

Iya gintugyan sa gobernador ang pagpili kun sin-o ang luyag sini nga igabulos sa iya posisyon.

Si Lobaton ang una nga nagserbe bilang Chief of Staff ni Lacson sang ini ang bise gobernador pa lamang sang Negros Occidental.

Siya ang isa man sa mga ginpilian agud mangin presidente sang isa ka state university.

Ginpasalamatan ni Lacson ang serbisyo nga ginhatag ni Lobaton sa probinsiy.

Sa press statement nga ginpadala sang gobernador sa mga provincial capitol reporters, iya ginkompirmar ang pagresign ni Lobaton bangud sa personal nga rason.

Magluwas sa Executive Assistant IV, kag Chief of Staff sang gobernador, si Lobaton ang nag-uyat man sang posisyon nga Incident Command Commander sang Provincial Incident Management Team nga amo ang nagapanguna sa pag-implementar sang mga tikang batok sa Covid-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.