Nagsaka sa 3 million pesos ang donasyon sang LGU sang Bacolod sa mga lugar sa Luzon nga na apektuhan sang Bagyo.
Una nga plano sang syudad mag hatag sang 2 million pesos nga donasyon kag ini ang gin dugangan sang 1 million pesos.
Suno kay Executive Assistant Joemarie Vargas, cluster head sang Bacolod CDRRMO, ang pag dugang sang donasyon ang base man sa pangabay ni Mayor Evelio Leonardia matapos ang report sa League of Cities of the Philippines ukon LCP nga madamo sang lugar ang nahalitan sang pagbaha.
Dugang pa ni Vargas, kahapon nga adlaw Martes sang nag patigayon sang teleconference ang ga miembro sang Bacolod CDRRMC kag gin aprubahan ang dugang nga donasyon.
Suno sa opisyal, ang 3 million nga donasyon ang ipaagi sa LCP, sa diin si Leonardia ang naga serbe nga Presidente, kag ang grupo na ang maga hatag sang bulig sa mga biktima sang bagyo.
Gina paabot sa masunod nga semana pa aprubahan sang CDRRMC ang ila pangabay sa virtual session sang Sangguniang Panlungsod.
