DOLE- NEGROS OCCIDENTAL, MAY PAATHAG SA PAGBATON SANG DUMULUONG NGA TRABAHANTE SA IDALUM SANG BUILD, BUILD, BUILD PROGRAM SANG GOBIERNO

Share on facebook
Share on google
Share on pinterest
Share on twitter
Share on print

Negros Occidental- Nagapati si Agnes Cabigon pamuno sang Department of Labor and Employment ukon DOLE-Negros Occidental nga ang rason kon nga a may yara sang foreign nationals nga ginlakip sa Build, build, build program ang administrasyon ni Presidente Rodrigo Duterte nga may yara sang pila ka mga posisyon ukon trabaho nga ginakinahanglan sang trabahante nga dumuluong. 

Isa sa ginhalimabawa ni Cabigon amo ang mga posibilidad nga may yara sang ginbakal nga produkto ang isa ka kompaniya sa guwa sang pungsod kag nagakinahanglan sang empleyado nga naghalin sa amo nga lugar nga may ihibalo sa pagtrabaho sini.

Dugang pa ni Cabigon nga sa iya paglantaw wala ini sang epekto sa pungsod, ilabi pa nga una nga tinutuyo sang programa amo nga sabton ang problema sang madamo nga Pinoy nga wala sang trabaho.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.