DOH NAGHATAG SANG 5M NGA FINANCIAL ASSISTANCE PARA SA COVID-19 TESTING SA MGA RESIDENTE SANG BACOLOD SA TLJPH

Share on facebook
Share on google
Share on pinterest
Share on twitter
Share on print

Nag pain ang DOH sang 5 milyones pesos para mapaidalum sa Covid-19 testing ang mga residente sang syudad sang Bacolod nga probable kag suspected cases sa molecular laboratory sang Teresita Jalandoni Provincial Hospital (TLJPH) sa syudad sang Silay.

Ini suno kay Congressman Greg Gasataya matapos nga gin pabalo siya si DOH Regional Director Marlyn Convocar angut sa amo nga financial assistance.

Suno sa Kongresista, ini ang kabahin sang memorandum of agreement sa tunga sang DOH kag gobyerno sang Negros Occidental.

Gina lantaw ni Gasataya nga dako ini nga bulig para sa probinsya kag Bacolod para sa madasig nga pagpatigayon sang testing sang sa ipadala pa ang specimen sang syudad sa Iloilo.

Suno pa kay Gasataya, dako man ini nga bulig samtang naga hulat nga matapos ang biolab sa Corazon Locsin Montelibano Memorial Regional Hospital.

Madumduman, nag papanaug sadto sang memorandum ang DOH, nga ang mga swab specimen sa Bacolod kag Negros Occidental ang dapat ipaidalum sa Covid-19 testing sa TJLPH. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.