DOH 6: MGA HOSPITAL SA BACOLOD MAGA DUGANG SANG 98 KA COVID-19 BEDS

Share on facebook
Share on google
Share on pinterest
Share on twitter
Share on print

Magadugang sang 98 ka mga Covid-19 beds ang mga pribado kag pampubliko nga hospital sa syudad sang Bacolod.

Ini ang committment ni DOH Regional Director Marlyn Convocar kay Congressman Greg Gasataya matapos sang pagsapol sang ahensya sa mga hospital chiefs kahapon nga adlaw, Lunes.

Sa advisory nga gin pagwa ni Convocar, ang mga hospital sang Bacolod ang may existing nga 157 ka Covid beds kag ini ang dugangan sang 98 ukon kabug-usan nga 255.

Suno kay Gasataya, base sa impormasyon gikan kay Convocar, ang Corazon Locsin Montelibano Memorial Regional Hospital nga may 60 Covid beds ang maga himo nga 97, ang Bacolod Adventist Medical Center humalin 21 pakadto 27, ang Riverside Medical Center humalin 22 pakadto sa 53, ang Bacolod South General Hospital humalin sa 5 pakadto sa 17 kag Doctos Hospital humalin sa 33 pakadto sa 34.

Suno kay Gasataya, nag commit man ang DOH Region 6 sang dugang nga 14 ka mga nurses para sa pampubliko nga hospital sa Bacolod.

Suno pa sa Kongresista, may patigayunon nga regular meeting ang DOH 6 sa mga hospital sa syudad para sa Covid-19 update. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.